ڪيِنَ اِئين بِن وَسَڻَ وَڃو ڙي !
–ڀڳوان ٻاٻاڻي ’بندو‘
ڀَرجي ڪارا ڪَڪَر اَچو ڙي !
ڪيَنَ اِئين بِن وَسَڻَ وَڃو ڙي !
نالا نَدِيوُن اُڃايَل آهن،
کيتَ فَصل مُرجھايل آهن،
ڍَنڍَ ، کوُهَہ، پاتال کي پَھُتا،
ماڻهوُ مُنجھيَل مُنجھيَل آهن،
ڪُجھُہ تَہ اِنھَنِ تي رحمُ ڪيو ري،
ڪيَنَ اِئين بِن وَسَڻَ وَڃو ڙي !
اَڳيان اوهانجي سَڀُ ٻاڏائِن،
يَگيَہ، هَوَن ، پوُڄائون ڪرائِن،
هاري–ناري، ٻار–ٻُڍا سڀُ،
طرح طرح سان ٿا پرچائن،
مِنٿَ اُنهن جي ڪِئن تَہ مڃو ڙي،
ڪيَنَ اِئين بِن وَسَڻَ وَڃو ڙي !
1 comment:
بهترين
Post a Comment