اصل نالو : غلام حيدر لغاري
ادبي نالو : گهايل لغاري
ولد : فيض محمد
ذات : لغاري
جنم : 15 نومبر 1976ع
تعليم ي اي)
ملازمت : جونيئر ڪلرڪ)
ڪرت : سرڪاري ملازم
لکڻ جي شروعات: 1995
لکيل صنفون: غزل، گيت، وائي، نظم، بيت،ٽيڙو،هائيڪا،مضمون ،اڀياس وغيره
ڇپيل : ڪتاب (مرتب ڪتاب؛امن جو پورٽريٽ سال 2016ع (گڏيل شاعري)
ڇپيل مواد : هزار داستان،عبرت ميگزين،نئين زندگي ،عوامي آواز ،سرت،پورب،ڪينجهر،مومل،نئين سوچ،نئين آس ،پيغام،ڪاوش ميگزين وغيره
اَڻَڇپيل ڪتاب/: 1 ٻن ڪتابن جيترو مواد شاعري ۽ نثر ۾ پيل
مليل ايوارڊ : جشن لطيف ايوارڊ1996ع،بهترين ضلع رابطا سيڪريٽري ايوارڊ 2015ع_2016ع
ايڊريس : جنم جو هنڌ ڳوٺ بچل لغاري،ديهه ڪورجامڪ تعلقو جوهي ضلع دادو
رهائش ؛حسين آباد ڪالوني اريگيشن بنگلو وارڊ نمبر 8 تعلقو جوهي ضلع دادو
رابطہ نمبر :03068592911
سندس شاعريء مان ڪجھ چونڊ
غزل
وڇوڙي ساه ساڙيو آ
جيئن سيء گاه ساڙيو آ
جسم هو طور سينا جيان
حسن جي باه ساڙيو آ
سڄڻ جي آٿتن اڄ ڇو؟
منهنجو ويساه ساڙيو آ
هوا جي اک ڏيئي تي هئي
تڏهن اونداه ساڙيو آ
تڏهن آ دل منهنجي گهايل
جو عشق اٿاه ساڙيو آ
وائي
آهي اعتراف
پره ڦٽي ئي ڪان ٿي
ڏڪندڙ هٿن ۾ بتي
ڳولي پيو انصاف
پره ڦٽي ئي ڪان ٿي
خاموشي سان درد ٿو
ڪاٽي اعتڪاف
پره ڦٽي ئي ڪان ٿي
غافل آهيون ننڊ ۾
وقت نه ڪندو معاف
پره ڦٽي ئي ڪان ٿي
ظالمن جي ظلم کي
ٿئي ٿو طواف
پره ڦٽي ئي ڪان ٿي
گگهه گهوٽي گهايل ڇڏيا
ڪيترا اشراف
پره ڦٽي ئي ڪان ٿي
.
غزل
تو جڏهن ڪيون وٿيون آهن
ڪائناتون تڏهن رٺيون آهن
درد جيون جي سيلفي بڻيو
هي به يارن جون محبتون آهن
بخت ۽ تخت کي بقا ڪونهي
حسن کي خواه مخواه مڳيون آهن
دل جو گلشن اڃان سڪل آهي
پيار جون پيون ڪٿي ڪڻيون آهن
يادگيريون سنڀالي رکيون ٿم
زندگي منهنجي ء جون بتيون آهن
هنڌان هنڌان ڳري پيو آهيان
زندگي کي لڳل چتيون آهن
سنگ سيني تي هي گلاب جهڙا
ڏس جوانيون نيون ڦٽيون آهن.
غزل
پنهنجائپ جا رشتا ٽانڊا
مون لئه سارا رستا ٽانڊا
چاهت جا گل ڪومائن پيا
محبوبن جا رويا ٽانڊا
درد جي اهڙي شدت ڀانيم
نيڻئون نڪتا ڳوڙها ٽانڊا
منهنجي من کي ڇرڪائن ٿا
ٻهروپين جا پاڇا ٽانڊا
آسون ساڙي رک ڪيائون
يارن جا ها لهجا ٽانڊا
هن کي هٿ ۾ ڏيندي ٿي ويا
گهايل جا گلدستا ٽانڊا
No comments:
Post a Comment