گيت
لڙڪ لڪائي،
مرڪ سجائي،
گهاري وڃبي زندگي.
پنهنجو ساٿي ڪير نه ٿيئڙو،
تڙپي ڦتڪي هيڪل هينئڙو،
درد دٻائي،
گهاري وڃبي زندگي.
تنهنجون ڳالهيون وسريون ناهن،
وسرڻ ڀي ڪي سٿريون ناهن ،
ديپ جلائي،
گهاري وڃبي زندگي.
ڪڏهن ته تنهنجو درشن ٿيندو،
جيون جڳ مڳ روشن ٿيندو،
آس لڳائي،
گهاري وڃبي زندگي.
"گهايل" جي ڪن گهاون جهڙا،
تنهنجي خوابن يادن جهڙا ،
گيت ٻڌائي،
گهاري وڃبي زندگي.
گهايل لغاري
No comments:
Post a Comment