غزل
پيار مان ٿيون ڏسن، آرسيءَ جون اکيون.
گهورَ تو تان ٿين، آرسيءَ جون اکيون.
ناز نخرا ڪرين، چپ ٽِڪُنڊا ڪرين!
ڪاش..! مونکي هجن، آرسيءَ جون اکيون.
ڪيئن تنهنجي مٿان، مون جيان هُو مرن؟
دل نٿيون جو رکن، آرسيءَ جون اکيون.
تون عصر جو سجي بس هلي ٿي وڃين،
جاڳنديون ئي رهن، آرسيءَ جون اکيون.
چپَ چپن تي رکي، آڇِ امرتُ اِڙي!
ٿي امر جيئن وڃن، آرسيءَ جون اکيون.
هوءَ ڪري هيکلو، گهر، وئي پرڻجي،
سانوڻيءَ جان وسن، آرسيءَ جون اکيون.
آئيني ۾ هڻي اک ڏِسين پاڻ کي،
داد توکي ڏين، آرسيءَ جون اکيون.
اصغر شر
https://www.facebook.com/2280538722170992/posts/2645929942298533/
No comments:
Post a Comment