وائي
سنڌ ورهايون، سوچڻ وارا!
تنهنجا ڀاڱا ٿيندا،
تنهنجو خواب مٽي ٿيندو.
تون للڪاريو، ماريو ويندين،
متحد پنهنجا ٿيندا،
تنهنجو خواب مٽي ٿيندو.
مرسون مرسون سنڌ نه ڏيسون،
سڀئي راکا ٿيندا،
تنهنجو خواب مٽي ٿيندو.
ڌرتي ساري لرزي ويندي.
اڀ تي واڪا ٿيندا.
تنهنجو خواب مٽي ٿيندو.
تون ٻواٽي تي ٽنگيو ويندين،
رستا گوگها ٿيندا.
تنهنجو خواب مٽي ٿيندو.
شاهه ڀٽائي سچ چيو آ،
ڌاريا ڌاريا ٿيندا،
تنهنجو خواب مٽي ٿيندو.
گهايل لغاري
No comments:
Post a Comment